Os nosos obxectivos son os de promover a práctica do kaiak de mar recreativo, desenvolver a responsabilidade e a autonomía na súa práctica, a formación na navegación e nas técnicas de seguridade, e o estudio e a investigación das técnicas de construción dos kaiak de mar, así como promover a protección e defensa do contorno e do medio ambiente.
E como medio para todo iso, a Asociación aspira a servir de lugar de encontro de todos os que palean no mar. Deste xeito nacemos con vocación de dar cabida a todos eles, como un punto de encontro onde intercambiar experiencias e adquirir coñecementos que consoliden a práctica do kaiak de mar coa máxima autonomía e responsabilidade.